Daar is min dinge soos ’n Vrydag middag , in ’n kusdorpie.  Vissermanne van elke kleur, geur en grootte is op pad viswater toe.  ’n Man op sy fiets, flits verby en sy visstok buig sommer agteroor in die wind.  Visstokke steek by bakkies se vensters uit, word op dakke vasgemaak en in ons tuisdorpie , is ’n visstok op ’n donkiekar, geen vreemde gesig nie.  Manne trek prawns langs die rivier, knoop geselsies aan oor rooiaas en maan-wurms en wie weet wat nog. . .